Te si' fatta 'na vesta scullata, nu cappiello cu 'e nastre e cu 'e rrose... Stive 'nnmiezo a tre o quattro sciantose, e parlave francese... è accussì ? Fuie l'atriere ca t'aggio 'ncuntrata ? Fuie l'atriere, a Tuledo, gnorsì...
Ritornello:
T'aggio vuluto bene a te... Tu m'è vuluto bene a me! Mo nun 'nce amammo cchiù, ma, 'e vvote, tu, distrattamente, pienze a me!
II
Reginè, quanno stive cu mmico, nun magnave ca pane e cerase: nuie campavamo 'e vase! - e che vase - tu cantave e chiagnive pe' me... E 'o cardillo cantava cu ttico: "Reginella 'o vò bene a 'stu Re".
Ritornello:
T'aggio vuluto bene a te... Tu m'è vuluto bene a me! Mo nun 'nce amammo cchiù, ma, 'e vvote, tu, distrattamente, pienze a me!
III
Oi cardillo, a chi aspiette stasera ? Nun 'o vide? aggio aperta 'a caiola, Reginella è vulata, e tu, vola! T'è 'à truvà 'na patrona sincera, ca è cchiù degna 'e sentirte 'e cantà.
Ritornello:
T'aggio vuluto bene a te... Tu m'è vuluto bene a me! Mo nun 'nce amammo cchiù, ma, 'e vvote, tu, distrattamente, pienze a me!
