PALUMMELLA
di: DI CHIARA - CAPURRO
Tu sìrusicatella,
tiene 'e ciance e si bella
si st'ammore te va,
ce putimmo 'mbarcà,
vide tu che può fa.
Quanta suonne e suspire
fanno fa st'uocchie nire!
'O ccapisco sul'ì
ca nun pozzo durmì
suspiranno accussì.
Palummella vestuta janca
cu stì scelle acchiappeme tu!
Pozzo guardà?
Pozzo ammirà
senza puterte 'na vota tuccà
II
'Na cardeniaaddurosa,
'na camelia e 'na rosa.
si 'e mmiscammo, nennè,
t' 'e mmiscammo, nennè,
t' 'o ddich' ì, tutte 'e tre
rappresentano a te.
Sta vucchella d'ammore
tene addore e sapore.
Alla fine che cchiù
d'ogni sciore 'e virtù
sempe meglio si tu.
Palummella vestuta ianca,
ecc. ecc.
III
Nun me fa ll'angarella,
nun vutàsta faccella;
ca t'avuote accussì
o t'avuote accullì,
sempe bella tu sì.
Pe' cuntegno cunviene
ca sta risa 'a mantiene,
ma nce suoffre; e chisà
ca nun pienze 'e vulà
annascuso 'e papà.
Palummella vestuta ianca,
ecc. ecc.
