Ogge sto' tanto allero ca quase quase me mettesse a chiagnere pe' 'sta felicità... Ma è overo o nun è overo ca so' turnato a Napule? Ma è overo ca sto' cca'? 'O treno steva ancora 'int'a stazione quando aggio 'ntiso 'e primme manduline...
Ritornello: Chist'è 'o paese d''o sole, chist'è 'o paese d''o mare, chist'è 'o paese addò tutt' 'e pparole, sò doce o sò amare, sò sempe parole d'ammore...
II
'Sta casa piccerella, 'sta casarella mia 'ncoppo Pusilleco, luntano chi t' 'a dà?... 'Sta casa puverella tutta addurosa 'anepeta se putarria pittà... 'A ccà nu ciardeniello sempe 'nfiore. e de rimpetto 'o mare,sulo 'o mare!
Ritornello: Chist'è 'o paese d''o sole, chist'è 'o paese d''o mare, chist'è 'o paese addò tutt' 'e pparole, sò doce o sò amare, sò sempe parole d'ammore...
III
Tutto,tutto è destino... Comme putevo fà fortuna all'estero s'io voglio campà ccà? Mettite 'nfrisco 'o vino, tanto ne voglio vevere ca m'aggia 'mbriacà... Dint'a 'sti qquatte mura i stò cuntento: mamma me sta vicino,e nenna canta:
Ritornello:
Chist'è 'o paese d''o sole, chist'è 'o paese d''o mare, chist'è 'o paese addò tutt' 'e pparole, sò doce o sò amare, sò sempe parole d'ammore...
