Ch''e libbre sotto 'o vraccio e 'a camicetta e ffiore blù, vuò fà 'a signurenella 'nnanze 'a scola pure tu, te piglie 'a sigaretta quann'accatte pe' papà, te miette già 'o russetto comme vide 'e fà a mammà. lazzarè!
Ritornello:
Ma, lazzarella comme si', a mme me piace sempe e cchiù e vengo apposta pe' t''o ddì vicino 'a scola d''o Gesù. Tu invece me rispunne:"E ggià: io deve retta proprio a tte! Pe' mme ll'ammore pò aspettà, che nn'aggia fà, nun fa pè mme." Ah, lazzarella, ventata 'e primmavera, quanno passe, tutt' 'e mmatine già te spiecchie dint' 'e vvetrine, sulo nu cumplimento te fa avvampà... Ma, lazzarella, comme si', tu nun me pienze proprio a mme e rire pe' m''o ffa capì ca perdo 'o tiempo appriesso a tte...
II
Mò vene 'nu studente 'nnanze 'a scola d''o Gesù, te va sempe cchiù astretta 'a camicetta a ffiore blù, te piglie quatte schiaffe tutt''e vvote ca papà te trova 'nu biglietto ca te scrive chillu llà... lazzarè!
Ritornello:
Ma, lazzarella comme si', ce si caduta pure tu: ll'ammore nun te fa mangià te fa suffrì, te fa penzà. 'Na sera tu lle dice: no, 'na sera tu lle dice: ma ma si 'nu vaso te vo' dà fai segno 'e sì, senza parlà... Ah lazzarella 'o tiempo comme vola: mò te truove tutt''e mmatine chine 'e lacrime 'stu cuscino... Manco 'na cumpagnella tu pò aiutà! Ma, lazzarella comme si', e te pripare a ddi' stu sì te si cagnata pure tu ma dint'a cchiesa d''o gesù.
