I' M'ARRICORDO 'E TE
di: E.De Curtis - G.B.De Curtis
I
I' m'arricordo 'e te,
quanno sto vicino 'o mare
quanno l'onna chiano, chiano
vasa 'a rena e po' scumpare.
E po' torna a s'a vasa'...
I' m'arricordo 'e te,
Lucia, Lucì!
A quindici anne me diciste sì...
II
I' m'arricordo 'e te,
quanno 'o sole è penetrante
e se mmira ncopp'a l'acqua...
Chelli lluce 'e diamante
fanno male d''e guardà...
I' m'arricordo 'e te,
Lucia, Lucì!
A quinnici anne me diciste sì...
III
I' m'arricordo 'e te,
quanno, dopo c'ha chiuvuto,
e me trovo p''a campagna
sento addore d'a salute,
sento 'a vita 'a gioventù...
I' m'arricordo 'e te,
Lucia,Lucì!
E mo' pecchè nun dice ancora si?
