FENESTA CHE LUCIVE
Canzone Popolare
Fenesta che lucive e mò non luce,
sign'è ca Nenna mia stace ammalata.
S'affaccia la sorella e me lo dice:
Nennella toja è morta e s'è atterrata.
Chiagneva sempe ca dormeva sola, ah!
mò dorme co li muorte accompagnata!
Va nella chiesa e scuopre lo tavuto,
vide Nennella toja comm'è tornata.
Da chella vocca che n'asceano sciure,
mò n'esceno li vierme, oh che pietate!
Zi' Parrocchiano mio, abbici cura, ah!
'na lampa sempe tienece allumata.
