Era de maggio e te cadeano 'nzino a schiocche a schiocche li ccerase rosse: fresca era l'aria e tutto lu ciardino addurava de rose a ciente passe. Era de maggio; io, no, nun me ne scordo. Na canzone cantavemo a ddoje voce: cchiù tiempo passa e cchiù me n'allicordo, fresca era l'aria e la canzone doce.
Ritornello:
E diceva: Core, core! core mio! luntano vaie; tu me lasse, io conto ll'ore, chi sa quanno turnarraie! Rispunneva io: "Turnarraggio quanno tornano li rose, si stu sciore torna a maggio pur' a maggio io stonco ccà!.
II
E so' turnato e mò, comm'a na vota, cantammo nzieme la canzone antica; passa lu tiempo e lu munno s'avota; ma ammore vero, no, nun vota viche. Do te, bellezza mia, m'annammuraie, l'acqua là dinto nun se secca maie e ferita d'ammore nun se sana.
Ritornello:
Nun se sana; ca sanata si se fosse, gioia mia, mmiezo a st'aria mbarzamata a guardarte io nu' starria! E te dico: Core, core! come mio! turnato io so'; torna maggio, e torna ammore, fa de me chello che buò!
