N'albero piccerillo aggio piantato criscènnolo cu pena e cu sudore... Na ventecata già nne ll'ha spezzato, e tutt''e ffronne càgnano culore... Cadute sò già 'e frutte.E tutte quante erano doce e se sò fatte amare... Ma 'o core dice:"oj giuvinotto amante, 'e ccose amare tiènele cchiù care...".
Ritornello:
E,amara comme sì, te voglio bene. Te voglio bene, e tu mme faje murì!
II
Era comm''o canario 'nnammurato stu core che cantaie matina e sera, "Scètate!" - io dico. E nun vò stà scetato... E mo nun canta manco a primavera... Chi voglio bene nun mme fa felice: forse sta ncielo destinato e scritto. Ma i' penzo ca nu ditto antico dice: Nun se cummanna 'o core".E i' mme sto zitto...
Ritornello:
E,amara comme sì, te voglio bene. Te voglio bene, e tu mme faje murì!
III
Chiagno p'ammore e cade 'o chianto mio dinto a 'sta testa:'o chianto 'a sta arracquanno. Schioppa 'na bella rosa,e i' pè gulìo a chi mm'ha fatto chiagnere ce 'a manno. Lle dico:"Rosa mia tu mme perduone si te scarpesarrà senza cuscienza: ce sta nu ditto ca ce dà raggione: "Fa bene e scuorda,e,si faje male,penza!"
Ritornello:
E,amara comme sì, te voglio bene. Te voglio bene, e tu mme faje murì!
