Vurria sapè pecchè si me vedite facite sempre 'a faccia amariggiata... Ma vuie quanto cchiù brutta ve facite cchiù bella all'uocchie mieje ve presentate... I' mo nun saccio si ve n'accurgite?!
Ritornello:
Ma cu sti mode, oje Briggeta, tazza 'e cafè parite: sotto tenite 'o zzucchero e 'ncoppa amara site... Ma i' tanto ch'aggia vutà... e tanto ch'aggia girà... c' 'o ddoce 'e sotto 'a tazza fino a mmocca m'add'arrivà!...
II
Cchiù tiempo passa, cchiù v'arrefreddate mmece 'e ve riscaldà..."Caffè squisito..." 'o bello è ca si pure ve gelate... site 'a delizia d' 'o ccafè granito... facenno concurrenza a' limunata...
Ritornello:
Ma cu sti mode, oje Briggeta, tazza 'e cafè parite: sotto tenite 'o zzucchero e 'ncoppa amara site... Ma i' tanto ch'aggia vutà... e tanto ch'aggia girà... c' 'o ddoce 'e sotto 'a tazza fino a mmocca m'add'arrivà!...
III
Vuie site 'a mamma d' 'e rrepassatore?... E i', bellezza mia, figlio 'e cartare... Si vuie ve divertite a cagnà core, i' faccio 'e ccarte pe' senza denare: bella pareglia fossemo a fà ammore!
Ritornello:
Ma cu sti mode, oje Briggeta, tazza 'e cafè parite: sotto tenite 'o zzucchero e 'ncoppa amara site... Ma i' tanto ch'aggia vutà... e tanto ch'aggia girà... c' 'o ddoce 'e sotto 'a tazza fino a mmocca m'add'arrivà!...
Io me metto 'o steccadente in bocca pè nun fumà. Nun ce veco a nun m'accatto e llente pè sparagnà. Vivo solo col mensile d'impiegato comunale, spacco a lira, spacco 'o soldo, spacco pure 'o ri centè, spacco 'e scarpe e nun m'accatto pe te fa fa lusso a tte, E tu invece te la intendi col padrone di un caffè.
Agata! Tu mi capisci! Agata! Tu mi tradisci! Agata! Guarda! Stupisci... ch'e ridotto quest'uomo per te!
II
M'accattaie nu capelluccio tuosto tre anne fa. E 'a tre anne 'o tengo sempe 'ncapo. Nun ce che fa! Stu vestito grigio scuro, s'è cambiato di colore mo s'è fatto verde chiaro. Era n'abito 'e papà. E m'ha ditto 'o cusetore Nun 'o pozzo arrevutà, l'aggio troppo arrevutato... Ve cunsiglio d' 'o jettà.
III
Ho ridotto il pasto giornaliero, sempre per te, 'A matina nu bicchiere d'acqua...senza cafè, Vengo 'a casa e nun te trovo, 'o purtiere tene 'a chiave. - Dove è andata? - A sala 'e ballo. Mi commuovo e penso che te facive 'a partetella tutt''e ssere 'inzieme a me. Mò me faccio 'o sulitario, guardo in cielo e penso a tte.
