T'accumpagno vico vico,
sulo a te ca si' n'amico...
e te porto p''e Quartiere,
addó' 'o sole nun se vére...
ma se vére tutt''o riesto...
e s'arápono 'e ffeneste;
e capisce comm'è bella,
'a cittá 'e Pullecenella!
Comm'è bella, comm'è bella,
'a cittá 'e Pullecenella...
Comm'è bella, comm'è bella,
'a cittá 'e Pullecenella...
Mme dispiace sulamente
ca ll'orgoglio 'e chesta gente,
se murtifica, ogne ghiuorno,
pe' na máneca 'e fetiente
che nun tènono cuscienza,
che nun tènono rispetto...
Comme fanno a pigliá suonno,
quann'è 'a sera, dint''o lietto?!...
Dint''o lietto, dint''o lietto,
quann'è 'a sera, dint''o lietto...
Dint''o lietto, dint''o lietto,
quann'è 'a sera, dint''o lietto...
II
Mo te porto a Margellina,
sempe ca nun tiene fretta,
verso 'e ccinche d''a matina,
quann''o traffico 'o ppermette...
Ccá è permesso tutte cosa,
no' pecché tiene 'o diritto...
ma pecché s'è sempe fatto...
o è sultanto pe' dispietto!...
Pe' dispietto, pe' dispietto,
o è sultanto pe' dispietto!...
Pe' dispietto, pe' dispietto,
o è sultanto pe' dispietto!...
Mme dispiace sulamente
ca ll'orgoglio 'e chesta gente,
se murtifica ogne ghiuorno...
e nuje ce mettimmo scuorno...
Ma nisciuno pò fá niente:
ce 'a zucammo 'a caramella...
Comm'è doce e comme e bella,
'a cittá 'e Pullecenella...
Comm'è doce, comm'è bella,
'a cittá 'e Pullecenella...
Comm'è doce, comm'è bella,
'a cittá 'e Pulecenella...
Comm'è doce, comm'è bella,
'a cittá 'e Pullecenella...
Comm'è doce, comm'è bella,
'a cittá 'e Pullecenella...
I' che sóngo musicante
e mme sento furtunato,
canto e sòno, sòno e canto,
chesta bella serenata...
E pecché só' 'nnammurato,
pecché forse ce só' nato...
ma vedite comm'è bella,
'a cittá 'e Pullecenella!...
Comm'è bella, comm'è bella,
'a cittá 'e Pullecenella....
Comm'è bella, comm'è bella,
'a cittá 'e Pullecenella...
Comm'è bella, comm'è bella,
'a cittá 'e Pullecenella...
Comm'è bella, comm'è bella,
'a cittá 'e Pullecenella...
E' notte chiena e s'è addormuto o mare, ma i stò scetato e spasema 'stù core, e vvoce e notte se so fatte rare e i resto sulo in'ta ll'oscurità!... Dormeno, e 'rrose int'o giardino, sultanto o core mio nun pò durmì...
Ritornello:
Aggio perduto o suonno pè cchist'ammore... aggio perduto o core appriesso a te!... Nu iuorno me fai campà nu juorno 'mpazzì... 'stu bbene me fà dannà st'ammore murì!... Vivo pe' stà passione abena mia... tanta è a gelusia ca io tengo e te, e tremma 'stu core mio pecchè ha paura e te lassà. Aggio perduto o suonno pè 'sta felicità.
conosciamonapoli.it-napoli-'A SERENATA 'E PULICENELLA
'A SERENATA 'E PULICENELLA
di: Bovio - Cannio
I
E stó' aspettanno cu stu mandulino
ll'ora che, 'a cielo, se ne trase 'a luna...
mme só' nascosto dint'a nu ciardino,
pe' nun 'o ffá assapé
ca só' semp'io ca cerco scusa a te.
Ritornello:
Te voglio tantu bene!
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pò sentí:
"Te voglio bene!"
II
Mme metto scuorno 'e fá sapé a ll'amice
ca "tinco tinco" torno e faccio pace.
Si 'appura 'a gente, Napule che dice?
Ca mm''e vvoglio fá fá,
sott'a chist'uocchie, cierti 'nfamitá?
Ritornello:
Te voglio tantu bene!
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pò sentí:
"Te voglio bene!"
III
Na vota ero 'o cchiù guappo 'e ll'Arenella:
tenevo 'nnammurate a mille a mille...
e mo mme faje chiammá "Pulicenella"...
Ma tu ce pienze o no,
ch'évo nu guappo - guappo overo - e mo?
Ritornello:
Te voglio tantu bene!
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pò sentí:
"Te voglio bene!"
M'è arrivata stamattina 'na cartulina; è 'na veduta 'e Napule ca m'ha 'mannata mammema! Se vede Capre, Proceta, se vede Margellina, 'nu poco 'e cielo 'e Napule... che bella cartulina! Napule!... Haggio scritto pe' tte chesta canzone... e p''o ricordo 'e mammema haggio chiagnuto lacreme 'e passione!...
II
E se vede pure 'o mare 'e Marechiare, me parla cchiù 'e 'na lettera 'sta cartulina 'e Napule! Che gioia, che delizia, Surriento quanto è fina, comm' è bello 'o Vesuvio 'nfaccia a sta cartulina! Napule!... Haggio scritto pe' tte chesta canzone... e p''o ricordo 'e mammema haggio chiagnuto lacreme 'e passione!...
III
Comme tu può sta felice... mammema dice "luntano tanto 'a Napule, luntano tanto 'a mammeta!" E soffro mille spaseme ca nun me sta vicina quanno cunfronto 'America Napule!... Haggio scritto pe' tte chesta canzone... e p''o ricordo 'e mammema haggio chiagnuto lacreme 'e passione!...
Vaco truvanno 'na casciaforte! E andevinate pè ne fa che?... Non tengo titoli... Non vivi 'e rendita... Non ci ho un vestito nè ccuollo a mme! Ma 'a cascia mi necessita. Pè fforza ll'haggi 'a tenè! ...Ce haggì 'a mettere tutt''e llettere che mi ha scritto Rusina mia..., 'nu ritratto (formato visita) d''a bbuonanima 'e zi' Zofia, 'nu cierro e capille, 'nu corno 'e corallo ed il becco del pappagallo che noi perdemmo nel ventitrè!
II
Sono ricordi che in cassaforte, sulo llà ddinto, t''e ppuò astipà. ...Quando mi privano del companatico io 'ngotto e zitto senza sferrà... Lo so! La vita è tragica! Ma 'a cascia... me ll'hann''a dà! ...Ce haggì 'a mettere tutt''e lettere che mi scritto Rusina mia... il mozzone d'una stearica (conficcato nella bugia), 'na bambola 'e Miccio, 'na lente in astuccio e una coda di cavalluccio che mi ricorda la meglia età!
III
Vaco truvanno 'na casciaforte! Ma a quà casciere ce 'o vvaco a ddì?... Certe reliquie... certi cimeli si 'e ttiene a fore, ponno sparì!... San Casimiro martire, 'sta cascia famm' 'a venì, ...Ce haggi' 'a mettere tutt''e llettere che mi ha scritto Rusina mia..., 'na cartella (di lire dodici) rilasciata dall'agenzia, 'na màneca 'e sicchio, 'a crastola 'e specchio, 'na corteccia di cacio vecchio e nu fracchisciasso color cakì!
