'A CARTULINA 'E NAPULE!...
di: De Luca - Buongiovanni
I
M'è arrivata stamattina
'na cartulina;
è 'na veduta 'e Napule
ca m'ha 'mannata mammema!
Se vede Capre, Proceta,
se vede Margellina,
'nu poco 'e cielo 'e Napule...
che bella cartulina!
Napule!...
Haggio scritto pe' tte chesta canzone...
e p''o ricordo 'e mammema
haggio chiagnuto lacreme 'e passione!...
II
E se vede pure 'o mare
'e Marechiare,
me parla cchiù 'e 'na lettera
'sta cartulina 'e Napule!
Che gioia, che delizia,
Surriento quanto è fina,
comm' è bello 'o Vesuvio
'nfaccia a sta cartulina!
Napule!...
Haggio scritto pe' tte chesta canzone...
e p''o ricordo 'e mammema
haggio chiagnuto lacreme 'e passione!...
III
Comme tu può sta felice...
mammema dice
"luntano tanto 'a Napule,
luntano tanto 'a mammeta!"
E soffro mille spaseme
ca nun me sta vicina
quanno cunfronto 'America
Napule!...
Haggio scritto pe' tte chesta canzone...
e p''o ricordo 'e mammema
haggio chiagnuto lacreme 'e passione!...
conosciamonapoli.it-'a casciaforte
'A CASCIAFORTE
di: Valente - Mangione
I
Vaco truvanno 'na casciaforte!
E andevinate pè ne fa che?...
Non tengo titoli...
Non vivi 'e rendita...
Non ci ho un vestito nè ccuollo a mme!
Ma 'a cascia mi necessita.
Pè fforza ll'haggi 'a tenè!
...Ce haggì 'a mettere
tutt''e llettere
che mi ha scritto Rusina mia...,
'nu ritratto (formato visita)
d''a bbuonanima 'e zi' Zofia,
'nu cierro e capille,
'nu corno 'e corallo
ed il becco del pappagallo
che noi perdemmo nel ventitrè!
II
Sono ricordi che in cassaforte,
sulo llà ddinto, t''e ppuò astipà.
...Quando mi privano
del companatico
io 'ngotto e zitto senza sferrà...
Lo so! La vita è tragica!
Ma 'a cascia... me ll'hann''a dà!
...Ce haggì 'a mettere
tutt''e lettere
che mi scritto Rusina mia...
il mozzone d'una stearica
(conficcato nella bugia),
'na bambola 'e Miccio,
'na lente in astuccio
e una coda di cavalluccio
che mi ricorda la meglia età!
III
Vaco truvanno 'na casciaforte!
Ma a quà casciere ce 'o vvaco a ddì?...
Certe reliquie...
certi cimeli
si 'e ttiene a fore, ponno sparì!...
San Casimiro martire,
'sta cascia famm' 'a venì,
...Ce haggi' 'a mettere
tutt''e llettere
che mi ha scritto Rusina mia...,
'na cartella (di lire dodici)
rilasciata dall'agenzia,
'na màneca 'e sicchio,
'a crastola 'e specchio,
'na corteccia di cacio vecchio
e nu fracchisciasso color cakì!
